عزيز بن وائل

السلام عليكم ورحمة الله وبركاته

نشارك بهذه القصيده للإسهام في موضوع الشعر العام

واتمنى أن تحوز على إرضاء القارىء الكريم

عزيز بن وائل

سلام تســــليم معطر بالإبهـــــــــــار= بالهيل والنرجــــــس وبالطيب كـلـّه
قــــدامه أنوارٍ وقافــــيته أنــــــــــوار= نوره كمــــــا نور البدر فالأهلـــّــــه
على رفيعين المــــكارم والأقـــــــدار =راع الفرح واللي لــــــفا في محلــّـه
اللي على شــــانه تحدينا الأخطـــــار= كم واحدٍ يبي المــــــجي ما حصلــّـه
من يوم جاء داعيه سار القدم ســـــار= تشريف لمحـــــمد نجي حشمةٍ لــــه
واجب نشرف حفل وافين الأشبـــــار= الطيب والمــــــعروف فيهم جُبلــّـــه
العــــزوة اللي يمّها تلد الأنظـــــــــار= يا سعــــــد منهم فاللقاء فزعةٍ لــــــه
أهل الحـــمية والشجاعة والإكبــــــار=ليا نخـــــاهم من غدوبه عدلـــّــــــه
عـــزيز بن وائل لهم جد وشعــــــــار= صطـــــرلهم في صفحة المجد أدلـّه
فعايلٍ يشهد بها كـــبار وصغـــــــــار = يحكيبها تاريــــــخنا في سجـلـــّـــــه
ما هي سواليفٍ على جذوة النــــــــار = وكاســــــات برادي وفنجال دلــّــــه
انشد جيوش الترك في حم وش صـار = وش صار للباشة وش اللي حصلــّـه
اللي نجا من جيشهم عدة أبكـــــــــــار = ثلاث غزيــات هريب جن لـــــــــه
تصافقوا بعد الهزيمة بالاشــــــــــوار = لعل ما الجــدعى واهلها لعلـــــّــــــه
ومن بعد هذا عندي علوم وأخبــــــار = اهدي و أعاتب والصحيح ابقلـــّـــــه
ورد ونخل وازهار من كل الأثمــــار = باقات نحملها بصورة مجلـــّــــــــــه
من حجر اقدمها لاهل حجر تذكــــار = من خوف حاضرهم نسي ماضي ٍلـه
واعتب على من يقتــــفي كل تيـــــار = مستسلــــــــم ٍ للـحبل لو ما يتلـــّــــه
واعتب على من صدقوا بعض الأفكار = واللي تناسوا حجـــر وهم هل ٍ لـــــــه
ما زال يبقى حجــــــر للعبــــــدلي دار = ما دام باقي في حجر عـــزوة ٍ لـــــــه
لو أحال بعض الناس يبقـــن الآثــــــار = راس الجبـــل ما ينعزل عنه ظلـــّــــه
واللي تبع ضيحه وصفره ومخضــــار = يابــــــس ربيعـــه والهبايب تشلـــّــــه
وأملاكـــــنا ما تهزها ريح وإعصـــار = من دونها ربـــط الأيـــادي نحلــــّــــه
كل الأصايل عندنا بيـــن الأســـــــوار = من ضيـــع الحجــــة علينا ندلــــّـــــه
ياما قضينا أجيال وأرواح وأعمــــــار = عيشة شرف ما هي بعيشـة مذلـــــّـــه
بيوت الشعر عشنا بها وطين وأحجـار = واليوم نملـــكــها عمــاير وفـلــــّــــــه
مع قصــــرانا نعم يا نعم من جـــــــار = حرب الذي رجالهـــــم ما نمــلـــــّـــه
ما قابل حقـــوق القبايــــل بالإنكــــــار = الكل يلقــــــابه محـــــــاسن وخلــــــه
تمت وصلى الله على من هو اختــــار = لرسالته والأمـــــر دقـــه وجلــــّــــه

مشاركـــة شعريـــة من:
أبو مولع / مزلب المطــيري

صح لسانك

مشكور ويعطيك العافيه

على المشاركه الرائعه

وتقبل احترامي

ابو مولع صح لسانك وكفيت ووفيت انت فعلا" مكسب كبير لنا تقبل تحياتي

ابووووووو مووووووووووووولع



صح لســـــــــــــــــانك


قصيــــــــده جميــله جدآ



تقبل مروري

باحثنى وشيخنى
ابو مولع

صح الله لسانك وبيض الله وجهك وكفية وفية
وأشهد بالله انك عز لنى

وتقبل مرورى
وننتظر جديدك يشهد الله على أحر من الجمر

اخوك
واصل عزيز

أبو مولع فعلا" قصيده جزله من شاعر جزل وارجو منك اطلاعنا على جديدك اول بأول تقبل تحياتي

	الاخ ابو امولع صح لسانك ويعطيك العافيه قصيده جزله ومميزه ومشكور تحياتي اخوي ابو مولع تقبل مروري واحترامي عمر عمران

ابو مولع قصيده جزله نشكرك عليها ونحن في انتظار المزيد
تقبل تحياتي

الاخ ابو مولع قصيده رايعه فعلا وارجو منك التواصل المستمر واثرا المنتدى بما لديك من قصائد وقصص تاريخيه وجزاك الله عنا خيرا

شاعرنا المتميز ابو مولع


صح لسانك





انشهد انها قصيده جزله



ونطلب منك المزيد ....


تحيتي ...