إذا المراجل لبسة شماغ وعقال

بسم الله الرحمن الرحيم


هذه الابيات اعجبتني لا اعرف قائلها وحبيت انقلها لكم





إذا المراجـل لبسـة شمـاغ وعقـال
قـل للـعـذارى يلبـسـنّ العمـايـم
ما عاد يفـرق زول حرمـه ورجـال
دام الفعايـل تشبـه البعـض دايــم
المرجلـه مـا هيـب كلمـه وتنقـال
وتروح ما راحـت هبـوب النسايـم
وإلا خشونة صوت أو رفـع الأثقـال
أو رزة صـدور وفـعـل الـزلايـم
ولا هي بعد مفتـاح موتـر وجـوال
وإلا ردى لسانـن حديـثـه شتـايـم
المرجله شيمـه عـن القيـل والقـال
رفيع نفـس (ن) حـر بالجـو حايـم
المرجلـه عقـلٍ وزن وزنـه جبـال
ودون العقـل وش فرقنـا والبهـايـم
يا مسندي لو مايل الوقـت بـي مـال
يا ولـد أبويـه يـا عظيـم العزايـم
يا معرب الجدين مـن العـم والخـال
يا نخـوة المفـزوع وقـت الهزايـم
المرجله يا خوي هـي طولـة البـال
هي العـزم هـي الصبـر فالظلايـم
فيهـا الكـرم عـزه ودلـه وفنجـال
فيها الكرامه عن ردي الطبـع شايـم
والدين لامنـه خـذا القلـب منـزال
مشى طريـق الحـق وابليـس نايـم
ومن لا عرف ربه في طيـب الحـال
لابـد وقـت الضيـق بالهـم هـايـم
حتى صلاتك مع جماعـات ورجـال
في خيرها يـا خـوي نعـم الغنايـم
ولامن نصف ليلك قـم صفـي البـال
يا عظم أجـرك بيـن ساجـد وقايـم
ولا من رفع ربي لـه كـل الأعمـال
حسن الذكـر لا قالـو فـلان صايـم
وخلك شريف القصد يا طيـب الفـال
سـوء المقاصـد فالبيـوت الهـدايـم
واحذر تبيع النفس فـي دب الأنـذال
وتتبـع خـوي إبليـس راع النمايـم
النفـس خيـل لـك إذا كنـت خيّـال
ومن لا قـوى نفسـه قوتـه الهزايـم
ولا صرت ما تدري لو يش أنت رجال
والله خسـارة فيـك ذبـح التمـايـم





وسلامتكم

فيصل

شكرا على النقل

وعلى فكرة هذه القصيدة

لــــــالشاعرة / نوف بنت شطيط العتيبي

تقبل تحياتي

وعليكم السلام ورحمة الله وبركاته


قصيدة جدا جميله وتحمل معاني سامية 0

وهي التي ربطت عز الرجولة بقوة الدين والمواظبة على الصلاة وقيام الليل 0

شكرا اخي على جلب كل ماهو نفيس 0

الرهيف حياك واسعدني مرورك ومانستغني
ابوغاده حياك واسعدني مرورك وماسوينا شي