لغز مميز بنت و. ولد

وش هنوفً فوق نشمياً لبسها=مع جماله زادته قدر وحلاوة
تحرسه عن بعض الاشياء ماحرسها=الولد غالي وفي وقته طراوة
وسط زاد البدو طيباته غرسها=للضيوف يقدمونه بالحفاوة

هلا بشاعرنى المُميز

من العايدين والفائزين إنشاءالله اولا

واللغز عندي رمعه وأنشاءالله انها تصيب

ماهي العكه والسمن

وتقبل مروري
ولك كل تقديري واحترامي

الاخ العزيز الغالي واصل عزيز من السالمين وكل عام وانت بخير وبارك اللة فيك على

هذا المرور وصفحاتنا بدون مرورك فلا تعتبر شي


والحقيقه مانت بعيد عن الحل كلها رمعه واحده وتقضي علاه

وتقبل تحيات اخوك حامد رضا

الاخ حامد هذي رمعه وانشاالله تصيب الهنوف(التمره)والولد(السمن)

الاخ العزيز الطريس شكراً على المرور وكل عام وانت بخير

التمره والسمن صار هي لابسته واللغز يقول وش هنوف فوق نشمي لبسها


خيرها في غيرها اعد الرمعه وانت قدها وقدود يابو فيصل

شاعرني المميز
حامدرضا
لدي رمعه وإنشاءالله انها تصيب
البنت هي الزبدة والولد هو السمن

الاخ العزيز واصل عزيز رغم ان هذه الرمعه ماهي بحله الا انك اقرب واحد لحل هذا اللغز


بنسبه ثمان وتسعون بالمئه خلك في هذا النوع والمسار وارجع للامام شوي

هم يضهرهم اللة مع بعض دائم وشكراً للمرور والسلام

الرمعه الاخيره يابو رضا البنت (الرغوه)والولد(الحليب)

يابوفيصل صح لسانك نعم هي الرغوه فوق الحليب بيض اللة وجهك واسمك صايد اللاغاز

وشكراً على المرور وتحياتي-----

كل عام وانتم بخير

لغز ملياااااااااان

تقبلو مروري وتحياتي
محمد العزيزي