مسعد غالب يمدح خواله

03-28-2008, 02:00 AM

قصيدة الشاعر مسعد بن غالب الطريس مرسلها للشاعر راشد بن فالح الرقابي

ياهل الطايف سلمتم عساكم سالمين = وان نصاناكم جماعه وعرف معزبي
كلكم عندي جماعه حشامن غانمين = مير انا ليه نحا يالمعارض وش تبي
ناصي العواد حمدان يالقلب الذهين = كل ماجيته فرح بي ولبا مطلبي
لي خوالن عز راسي على طول السنين= لو ماجربت عارف وانا ماني غبي
هم بني عمي خوالي لهم وزنن ثمين = راس مالي يابن فالح وهمه مكسبي
بيض الله وجه عودن تنصا الطيبين = راح بي يم الطحوشه وجود منسبي
الله انه يرحمه يالرقابي قول امين = والله اني في فعوله وطيبه معجبي
فرد عليه الشاعر راشد بن فالح الرقابي بهذه الابيات

ابتدانا باسمك الله رب العالمين = مسخر الريح العتيه لعبده مركبي
خالق الانسان ومكونه من ماء وطين = عالم ماكان ويكون شرق ومغربي
هاظني قافن سمعته يسر السامعين = مسعد الغالب بجزل القصايد يلعبي
ودنا يابو فهد بشوفتك لوهو ساعتين = ماتكفينا قصايدك وانت مجنبي
قدركم موجود مقفين والامقبلين = واضحن مثل القمر ماتغطيه العبي
بالنحا معروف يمشي القدم علمن يقين = دايمن يمش القدم حيث قلبك يرغبي
نعم فيك وفي خوالك كعام العايلين = في نهارن ينشف الريق ويشيب الصبي
من نصا حمدان يقلط على سمن وسمين = راعي الطالات عند اللزوم مجربي
من هلن بالطيب يروي كبود الواردين = من ورد عد الروى بالكرامه يشربي
الرجال انواع بفعالهم متفاوتين = ماتفرق بين الرجال لين تجربي
احدن مثل الحجرمايذوب ولا يلين = صخرتن صما على شكلها ماتذهبي
غافلن عن بعض الاحوال ضمن الغافلين= ماقفه عند المواجيب صفر مكعبي
بالتجارب والتجارب دليل الفاهميمن = كل رجلن مايعرف التجارب ينشبي
يخسر اللي مامشىفي طريق الصالحين = مايخالف منهج الصالحين الا الغبي
يسعد اللي طول عمره على تقوى ودين = وحج بيت الله وحافظ على هدي النبي
حبيت انقل لكم هاتين القصيدتين التي تبادلها احد شعراء قبيلة بني عزيز امل ان تحوز على رضاكم
ارجو المعذره اذا حصل اخطاء املائيه اوتنسيق القصيده 0
مع تحيات اخوكم الطريس0000000000

الطريس · 03-28-2008, 02:59 AM

يعطيك العافية

تقبل مروري
ابوقراحه

الطريس · 03-28-2008, 05:14 AM

صح لسان الشاعر مسعد بن غالب والشاعر راشد بن فالح

الطريس · 03-29-2008, 02:22 AM

تسلم اناملك اخوي
وصح لسان الشاعر ابو فهد والشاعر راشد بن فالح
تقبل مروري
الطريسي

الطريس · 03-29-2008, 03:51 PM

صح لسان الشاعر مسعد بن غالب والشاعر راشد بن فالح

قصايد جزله

واشكرك الطريس على النقل الجميل

تقبل مروري

الطريس · 03-31-2008, 07:58 AM

يالطريس نقل تشكر عليه

تقبل مروري

محمد العزيزي

الطريس · 03-31-2008, 11:04 AM

هلا والله أخوي الطريس

رائع أنت أخي

صح لسان شعراءنا ولسانك أخوي الطريس

يالله انك تديم المحبة والتآلف بين قلوب بني عزيز

تعجبني مواضيعك التي تقودنا من تميز إلى تميز

سلمت يداك على هذا الموضوع الأكثر من رائع

مشكوووووووور

كــُـن بـخيـر أخـي

الـفــارس

الطريس · 03-31-2008, 11:28 AM

راااااائع يالطرريس ..

هذي المواضيع اللينبيها..

جد اسعدني هالنقل واستمتعت بصراحه

وشكرا لك.

الطريس · 03-31-2008, 12:16 PM

اخوي الطريس

بيض اللة وجهك على هالنقل الرايع وصح لسانك انت والشاعر مسعد الغالب

والشاعر راشد الفالح وتقبل مروري .حامد رضا

الطريس · 03-31-2008, 12:49 PM

يعطيك العافيه

اخوي الطريس

على النقل الطيب

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات