الغـرِبـه لشاعر : فايز العزيزي

الــغــربــــه

عز الله اني ضاق صدري من الدار = وقامت علي هموم بقعاء تزيدي
كنه يدق بثومت القلب مسمار = لاهب نسناس الديار البعيدي
كني سجينن بين جدران واسوار = مقيده رجله بصلب الحديدي
دارت عليه صدوف وقته بلاقدار = وحطت على دربه ثلاثيني قيدي
وصار الضحيه بين خاين وبوار = وتواعدوله مخلفين الوعيدي
ولياء بغاء الفزعه وزينات الاشوار = حكم عليه اللي برايه عنيدي
والا سوات الي ضرب عمق الابحار = يبا النجاه ولاحصله نجيدي
لي مدتن وانا انتظر رد الاخبار = واقول ليت العلم الاول يعيدي
والحول دار وداير الحول قد دار = عيت رسايلهم تجي في بريدي
ضاعت دلايلنا وضاعن الابصار = تلعبي الدنيا على ماتريدي
والصبر قام يسلني سل تيزار = والحال بايد والزمن مايبيدي
مدام لاهل العرف والطيب مقدار = علق مطاليبك بحبل جويدي
القل شين وقلت الحيل معذار = ورجلن بلا ربعن يسمى وحيدي
ولقلت الحيلات نرضى بماصار = مانشتكي ونقول سيدي ياسيدي
صدورنا حنا صناديق الاسرار = تمشيبنا الشيمه بدم الوريدي
ويالله يامنزل غزيرات الامطار = مديتبك حبل الرجاء ياعضيدي
ياقابل التوبه ولذنب غفار = ياكاتبن درب الشقي والسعيدي
انك نساعدني على الوقت لو جار = وترحم عظامي في نهار الشديدي
هاذا جوابي يوم دارن الافكار = ترجمت ضيقي في بيوت القصيدي
وحطيت لاهل العرف بالخط تعبار = منها وسيع المعرفه يستفيدي

الشاعر فايز سعود العزيزي

أخوي فايز

صح لسانك وأبدعت في الصياغه من تجربه للغربه الله لا يحدنا عليها

في إنتظار جديدك

صح لسانكـ

يعطيكـ العافيه

لا هنت

صح لسان الشاعر

بارك الله فيك

مبدع في طرحك

تسل يابن سعود

صــــــــــــــــح لســــــــــــانك

فعـــــــــــــــــــــلاً قصيــــــــــــــده رائعه تشـكــــــــــــــــر عليها

صح لسانك يالذيب تسلم والله ياشاعر بني عزيز

صح لسانك يافايز وقصيده ابداع ومميزه


نامل فالمزيد من طرحك


تحياتي لك