إهداء إلي سعادة العقيد/فهد هلال المطيري

هذه القصيدة إهداء إلي سعادة العقيد/فهد هلال المطيري من أخيه الشاعر أبوفارس الشمراني

تسلم يابوفارس مع الطيب ترحيب
فـهـد مـع اهـل الطـيـب ماله مـثـالي
سلمت يمناك اخي الجنوبي هل
الممدوح ابوثامر والله والنعم ويستاهل المدح

أولا نرحب بك اخوي ابو فارس
فأهلا وسهلا بك من ملفاك لمطاك
وقدمت أهلا ووطئت سهلا ومرحبا بك تراحيب المطر
وليس بغريب هذا الطيب على ابن هلال فهو من روس رجال يقدمون الطيب وهذا العشم فيه
وهو يفعل الطيب في شتى وسائله وأنت تستأهل كل خير اخوي ابو فارس
لأنك اصيل ومثل ما قيل الجميل ما يضيع عند الأصيل
وها انت اتيت لتعد هذا الطيب وتذكره
وصدق من قال ان الطيب مايضيع بين الرجالي
والطيب للطيّب علينا فريضه *** وإلا الردي ما له علينا مشاريه

اخي الليث اشكرك على مرورك ....وترحيبك ...ونعم هذا الرجل هو أبو ثامر (فهد بن هلال حامد العزيزي المطيري) ...ورجل له مواقف مشهوده مع ومع غيري ولكن هذا لايستغرب على رجل من قبية مطير (حمران النواظر)

اخي واصل عزيز... بارك الله فيك والله يحييك واشكرك على الترحيب... ولا أستغرب الطيب من ابو ثامر ولا منك انت والي شرواك ... فأنتم أهل النخوه والشهامه ... فتحياتي لكم جميعاً بني عزيز خصوصاً ولقبيلة مطير كافة

وهذه القصيده لكون الصورة لم توضح بالشكل الصحيح



ســلام للي كـاسـب الـمـدح والـطيب
ســــلام للـي نـظــــــرته للــمــــعالي

فهـد ولد هـــلال راعــي المـواجــيب
مـعــــرب عــــــم وجــــــداً وخـــالـي

انا نـخـــيــته نـخــوة الــذيب للــذيب
قال ابــشر بعـــــــزك صعابك سهالي

لـو نخــوتك عني بـروس المـراقيـب
ولا مـــثـــــل ثـقــل الجـــبال الطوالي

نعم الرجال مـطــــــير ماجاهم العيب
ذباحة الحــيــــل البـــــكار الســماني

وختامها مـــــــسك(ن)مهيل مع طيب
لك يالـعـــــــزيزي منزلك فـوق عالي

اكرر شكري اخي الجنوبي
واستاذنك بالتنسيق
وتقبل ارق واعذب التحايا

اخوي : جنوبي

صح لسانك

ويستاهل ابوثامر كل طيب

تقبل مرور البنيد

صح الله بدنك ... واشكرك على مرورك

اخوي الشاعر ابو فارس الشمراني

حياك الله ياصبي شمران في ملتقى بني عزيز الرسمي

والنعم بك وبلابتك شمران

من قدم شيء يلقاه وابو ثامر غني عن التعريف وعادته العلم الغانم معك ومع الطيبين امثالك

ويستاهل المدح العقيد فهد بن هلال العزيزي وخير من يمثل القبيله في العلم الطيب

صح لسانك على النص الرائع