التوجد

هذي القصيده موجهها الشاعر عايض ابن نور العزيزي اللي الشاعر مرزوق ابن جامل العزيزي واليكم القصيده وردها

وجودي وجــــــود اللي حداه الفقر والدين
والاعنده الا من حثاله بني عــــــــــــــمه
بلش في صواديف الدهروالزمان الشين
وزادت به الايام هــــــــــــم على هــــــمه
اذا نامو الا جواد ماغمضت له عــــــــين
عيونه تفك النوم ساعات وتخمـــــــــــــه
قضا العمر في دنياه ما بين حين وحـــين
مايدري متى المشروب يصفي من الجمه
صــــــــــبر طول وقته يا لعل الامور تزين
وجاته مصايب تالي الوقت ملتـــــــــــــمه
على غلاها ساكنن القلب خمس سنـــــين
تكمن بوسط القلب ويســـــــــــير مع دمه
بدينا الغلا والقلب ما يسكنه شخـــــــصين
يوم انه صغير السن عايش بحــــضن امه
يا ابو تركي ويش الحل في قلبي المسكين
تعذب وكل اشوي جايب له امطـــــــــــــمه
وانا ويش اسو ي والــهوا يكوي بنا رين
وكم واحد قبلي سقاه الهوا ســـــــــــــمه
وجتك الرساله عطني الرد في يومـــــين
وعجل علي بردها يا الله الهــــــــــــــمه

ورد الشاعر مرزوق ابن جامل بهذي الابيات

هلا مرحبا يا الشاعر اللي يجيب الزين
ويرقا بشعره لين ياصل به القــــــــــمه
عدد من وقف با البيت حجاج وملبـــــين
وعدد من قرا بكتا ب ربه جز عــــــــــمه
والا باس ياشاكي عليه جفا الغالــــــــين
وناس تروح وذنب الاجواد في الذمــــــه
تصبر يا عايض لين قاسي الزمان يلـــين
وربك هو اللي يعلم السر في علــــــــمه
ويكمن برمشه عين يرجـــع لك المقفين
ويرجع حبيك بين اياديك وتضـــــــــــــمه
وحذراك لا تبطي تدور ورا الغـــــــــادين
ودربك هبوب الوقت تمحاه وتدمـــــــــه
وحلم حلمته ماتحقق اللي هلــــــــــحين
لكن اطلب الله ما تمنيته ايتـــــــــــــــمه
ودنياك ما دامت لقوم الشريف حســـين
تفكر بهذا البيت تلقا به الحكــــــــــــــمه

احيي الاخ عائض من هذا المنبر الشامخ واشكره على طرحه الرائع الا انني اتسال ومن خلال هذين البيتين:
على غلاها ساكنن القلب خمس سنـــــين
تكمن بوسط القلب ويســـــــــــير مع دمه
بدينا الغلا والقلب ما يسكنه شخـــــــصين
يوم انه صغير السن عايش بحــــضن امه

فقد ذكر الشاعر انه بدا الغلا قبل كتابة القصيدة بخمس سنوات تمكن خلالها من القلب وفي البيت الذي يليه ذكر انه منذ كانت في حضن امها
فكم عمرها عند كتابة القصيدة؟
ام ان الفترة التي يكون فيها القلب لايتسع لشخصين هي فترة الصغر فقط؟
ام ان هناك فترة زمنية لم يتطرق لها الشاعر؟





اما بالنسبة لرد الشاعر مرزوق ابن جامل والذي احييه ايضا

فانني ارى انه قد خانته القافية في الابيات التالية:

( عمه - علمه - حكمه )

عدد من وقف با البيت حجاج وملبـــــين
وعدد من قرا بكتا ب ربه جز عــــــــــمه

تصبر يا عايض لين قاسي الزمان يلـــين
وربك هو اللي يعلم السر في علــــــــمه

ودنياك ما دامت لقوم الشريف حســـين
تفكر بهذا البيت تلقا به الحكــــــــــــــمه



حسب علمي والكمال لله
امل تقبل مروري واعجابي