خوي الذيب قصيدة بدر الخالدي

قصيدة اعجبتني كثير وهي لشاعر بدر الخالدي والمشارك في برنامج شاعر المليون

"البارحه والجوع مس الذيب يـوم انـه يعـوي=علـى سنـام طويـق والقمـره وراه بليتـهـا
اخايلـه واقـول واعـزي لحـالـك يالـقـوي=اللي تنقى فـي سمـان الفطـح لا مـن جيتهـا
واللي باساميك يتقلدهـا الخـوي مـع الخـوي=والعـرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي=والوجبـه الحيـه تعشاهـا وتـتـرك ميتـهـا
الجوع لو يدفعـك للمـوت الذحـاح المستـوي=حشمت نفسك عـن عظـام الحرجـه وخليتهـا
ودامك طليق(ن) ما قهرك المعتـدي والمهتـوي=وخطاك من دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي=مـا بيـن مرحـان الشواويـه ليـا عشيتهـا
يا موجل(ن) قلب حضري يا موجل(ن) قلب بدويي=اللـي تشيّـم خـوة الرجليـه ان خاويتـهـا
عامر خوي الذيب في عصر الفـوات المنطـوي=وقصتك فـآذان العـرب واليـا طـرت لبيتهـا
نحر ذلول(ن) من وصايفهـا شحمهـا مرتـوي=لعيـون خوتـك الفريـده والبقـا فـي صيتهـا
يـا ذيـب يكوينـي قنيبـك لا توحّيتـه كـوي=على غشـاش الكبـد والخطـوه عمـد رديتهـا
مدري غبى مدري ذكى مدري تسـرع فوضـوي=لكن خطواتي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي=وقبـل زمـان العولمـه للنـاس وآتيكيتـهـا
وقبل يغيب المنطق الحسـي ويبقـى المعنـوي=والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلتـوي=والناس تمشي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي=والهاشميـه فـي طـرف عينـي ولا دنيتـهـا
لا جيث ابرثي حالتـك ضـاع الكـلام اللغـوي=والمفـردات اللـي تجملنـي لـيـا عديتـهـا
والهاجس اللي كل مـا فليـت حويـه ينحـوي=وافكـاري اللـي تتعـب الخافـق ليـا هليتهـا
واخـاف لا تكمـل وينحـاك النزيـف الدمـوي=وابقى علـى قـول المثـل خميتهـا واخطيتهـا
ياذيب واقنب خل صوتـك يـدوي العالـم دوي=مـادام خانتـك الظـروف الله يخـرب بيتـهـا

الله الله اشهد بالله انه شاعر وعلم وصح الله السانه
ومشكوووووووووووووووووووور يابو ماجد على النقل المميز
يعطك العافيه وفاله المليوووووووووووووووون






عمــــــــــ عمران ــــــــــــــــــــر

ابوو ماجد مشكوور على هذا النقل الرائع وتسلم يمينك
وبدر شاعر جزل وقصيدته اعجبت الكثير
ويعطيك العافيه وتقبل مروري

أبو ماجد

بيـَـض الله وجهك يا غالي

وصح لسان الشاعر بدر

سلمت أخوي

كـّــن بخير أخي

مشكور
والله يعطيك العافيه

شكراااااااا أخوي

شكراااااااا أخوي