اليا نويت الصد نزاح الاشواق.... زيد العزيزي

ياناقش الحنا على الكف والساق
حبك على راحة خفوقي نقشته
كم لي وانا هاوي غرامك ومشتاق
وكم لي وانا داخل ضميري كتمته
واليوم جاك الشعر مني وينساق
وافتح له ابواب الغلا لا قبلته
وانا وشعري والقوافي والاوراق
ان طيعلك في كل شيً امرته
مادام لك منزال في جوف الاعماق
اسكن بجوفه دام قلبي ملكته
قلبا يحبك لو تصحيه مافاق
ادمنت حبك لين حبك سكرته
لاتقول ماني للمخاليق سراااق
اول دليلا قلبي اللي سرقته
وليا نويت الصد نزاح الاشواق
اعرف ترا قلبي بصدك ذبحته

يازيد من شعرك ترا بالنا راق
درب الهواءقبلك تراني طرقته

سلم نقلك اخي متعب النايف
وصح لسان زيد

واليوم جاك الشعر مني وينساق
وافتح له ابواب الغلا لا قبلته
وانا وشعري والقوافي والاوراق
ان طيعلك في كل شيً امرته

صح لسانك . يعطيك العافيه

في رأيي لوتحذف حرف الواو الذي قبل

وافتح له ابواب الغلا لا قبلته

وكذلك

وانا وشعري والقوافي والاوراق

مجرد رأي !!؟

صح الله لسانك علي كل ماراق
والحب يوم انك بشعرك فرقته
هيضتني واقليبي احرقته احراق
يالين فاحت مع خشومي دخنته
ذكرتني خلي خذا قلبي وراق
وقلبي على لاماه ياكم لامته



تحياتي
شاعر عبدلي