خاص

يالخاطرالمكسور انا منك مهتم=سببة لي بين الحنايا فجيعه
وضحت وضعك مير فيك الولع عم=ياكثر ماتخفي هموماً فضيعه
الليل طال وهاجسي ماتكلم=وش فيه ساكت والخبر مايذيعه
قلوب البشر تبقى مراسيمها دم=وباتت لها اسرار الولع بالطبيعه
درباً مشاه برحلةً مضلم اقتم=ضيع منى عينه وضيع ربيعه
جاملة هاديتك كثر فيني الغم=سهومك اللي في هدفها شنيعه
لكنه احساساً دخل يخفي السم=حتى تمكن وارتكى فى الطليعه
اشقى الحزين اللي وقع داخل اليم=غرقان في وحلاً سدوده منيعه
لالا تلوموني على مابي اعلم =والسوق لن ماطاع لازم تتطيعه
بالله تكفى قول في مااطلبه تم=وترى الكرم حثت عليه الشريعه
مانسى جميلك فى الزمان المقدم=اللي بغيبه ماعرفنا صنيعه
تايه واذا خليتني باتحطم=ونفسك تسأل ليه هذا تبيعه
تعطف على حالي ولجلي تكرم=وماتامره لجلك ترى مستطيعه

عالي الهمه

صح السانك اخوي عالي الهمه على القصيده الجزله ويعطيك العافيه

تايـه واذا خليتنـي باتحـطـم ونفسك تسأل ليـه هـذا تبيعـه
تعطف على حالي ولجلـي تكـرم وماتامره لجلك تـرى مستطيعـه



في قمة الروعة القصيدة ياعالي الهمه
ونبي منك تعطف على المنتدى وتكرم علينا بقصايدك وجديدك
وأنت الورقه الرابحة الي راح أراهن عليها كثير بالمنتدى ,,,,

ابن شداد الطلاحبي

الــــــــوتـيـــــــش


اعتز وافتخر بمروركم على صفحتي ويهمني رايكم وبيض الله وجيهكم

صح لسانك ،، على هذي القصيدة الرائعة والجزلة وسلمت أناملك

صح لسانك واصل الابداع ياعالي الهمه ونترقب جديدك

حاول ادور ف القصيده بيت مميز لقيتها كلها مميزه وجزله
صح لسانك يا عالي الهمه وبض الله وجهك على هيك ابداع

انت عاد شاهدي فيك مجروحه وبيض الله وجهك يانايف الشوق

صح لسانك عدد قيفانها دائما متميز ياعالي الهمه
وكل ماتطرح يثير أعجابي

لي الشرف يوم تمر على صفحتي واقراءماكتبته اناملك وبيض الله وجهك