(مراد) حينما استفزع الليث الشاعرنايف بن معلي

هذي مراد بيني وبين الشاعرنايف ابن معلي اثناء ترحيبي بالشاعر عبدالله بن هلال

حــيالله الــشاعر الـمـعـروف عـبدالله
نـور سماء مـنـتـدانا الـيـوم بحضوره

عــزالله انـي مـاجـامـل فــيــك عــزالله
شاعر وتعرف معاني الشعر وبحوره

يانايف اسخـر معـي بـيـتـين لاجل الله
نبغى ردود الـفعـل ونـتـرجم اشعــوره

وتجاوب معي الشاعرنايف بهذا الرد المميز

ابشر يا ليث السعد والشعر جاء كله....

مشاعري للوفا ماهيب معذوره.....

يامرحبا يا هلا ترحيب في حله.......

بالشاعر اللي يرحب فيه جمهوره....

عبد الله هلال ظل الشعر في ظله....

بكر الجزاله تجي لرضاه مدحوره.....

ومن هنا قام الشاعر ابن هلال بدور الرد لكلا الشاعرين موجه هذي الابيات
لليث

تبقا وتبقـــــا رجال ــــــــــن تبري العله
ومجالس ـــن بالوفاء والطيب مشهوره

وعسى يمينـــــــــــ الوفي ماهي بمنشله
لابثـــــــــ صدق الشعور وجات منثوره

وفيتـــــــــــــ يالليث مانت براعي الزله
ماضيكـــــــ شاهد بجزل افعال مذكوره

ومن هنا بدا الردعلى الشاعر
نايف ابن معلي العزيزي

وسلمت لي يابن معلي سيف ــــن اسله
من راســــ جده وفاه وسابق عصوره

بالشعر كفو ــــــن تعقد الحبل وتحله
والمرجله كانها فيكـــــ انت محصوره

ربعكــــــــ عزات الظفر ماتعرف الذله
يمنى تنفذ وراس ــن محكم ـــن شوره

والشعر فيكم ياربعي كثرهـــــــــ اوقله
مايوصفـــــ افعالكم بالصوت والصوره

واتشرف بالمراد مع الشاعرين
نايف بن معلي العزيزي
عبدالله بن هلال العزيزي
حيث يملكون من الموهبه الشعريه الشي الكثير
والاستفاده من خبراتهم الشعريه واستفدت منهم الكثير
وختمتها بهذي الابيات

ماقــول غــيرالله الله ثم وجـه الله
عبدالله ونايف المعلي سطع نوره

اقولها مــن هـنا والرزق عند الله
انكان لشعــر قايد فأنتم اسـطـوره

والليث يهدي لكم من بد خلق الله
تحيته مع باقات الورد وزهـــوره

اتمنى ان تنال اعجابكم

بيض الله اوجيهكم ماقصرتم
شعر في غايه الروعه من شعار كبار ماعليهم هرجه
وشكرا اخي الليث على جمع القصايد في متصفح واحد
تقبل تحياتي واحترامي

وجهك ابيض يابرق السعد
اسعدني مرورك وشرفني
كل الشكر

شعراء عمالقه استمتعت بالردود الرائعه فيما بينكم

لكن تمنيت ان تكون محاوره مباشره عشان نحضر ونقوم الصفوف

ان شاءالله تخصصون لنا ليله نفلها معكم ونخليها حفله شعريه

اخوي الليث صح لسانك ولسان الشعراء ابن معلي وابن هلال

كم ذكر اخي الطريس

استمتعنا بهذه الردود والشعر الطيب من اهل الطيب

لاهنتم جميع

,,,ابوغاده ,,,