ياحسين صبري على وقتي وميلاته=من شان عينك عسى ربي يخليها
ياحسين قلبي تزايد فيه دقاته= والنفس يابو ك ماتعلم بما فيها
والصدر يابوك زادت فيه زفراته= مثل البل اللي شعاها حس راعيها
والفكر مبطي وهو ماشاف سجاته=تقبل عليه الهموم تقول داعيها
والدرب يابوك طالت بي مسافاته=وانا على الدرب عيني من يقديها
القلب يشكي على عيني معاناته=والعين تبكي على قلبي بصافيها
اضحك وجامل وقلبي فيه حسراته =من شان مايفرح الشامت بخافيها
بصبر وقال المثل في بيض صفحاته= الصبر محمود بولها وتاليها

المشاركة الأصلية كتبت بواسطة الغيد (المشاركة 132328) يعطيك العافيه يارب اختيار جميل وموفق~

المشاركة الأصلية كتبت بواسطة الليث (المشاركة 132412) ماهي غريبه عليك ياعاشق الروايع الشعريه

المشاركة الأصلية كتبت بواسطة العزيزي المغترب (المشاركة 132421) اختيار جميل ورائع

المشاركة الأصلية كتبت بواسطة إمتنآآآن... (المشاركة 132526) بصبر وقال المثل في بيض صفحاته الصبـر محمـود بولهـا وتاليهـا صدق ما فيه مثل الصبر لا هنت على النقل عاشق هباء اختيار راقي ...