هواجس الفكر تنخاني وتزهمني = وعلى عدود الروى تشر بياديها وصدعنها وقول الصبر يلزمني = نفسي ماكل شي يقنعها ويرضيها وانا لياجت من الضيقه تهاااجمني = مكني الا املك الدنيا بما فيها عشان ذكراك ياغلا من ينادمني = يومن الايام تضحكها لياليها اصد لوكل خلق الله تكلمني = لرضن من الناس خاليتن فيافيها سوات مذنب يردد يالله أرحمني = مقفي عن الناس والدنيا مخليها أبفهم الناس هذي كيف تفهمني = مالله على السو وامرها وحاديها لوعشت ضالم مافيه أنسان يظلمني = لكن مسلم من الناس ودعاويها أصبر النفس والدنيا تعلمني = ولم بدروسها وحفض مباديها والخلق متهمتها لوكان تتهمني = ارعى دوافع خطاياها ومشيها على مزاجي مافيه انسان يحكمني = والحاجه اللي تناسبني بسويها شخصيتي والقناعه شي يرسمني = لوحه تخلد مع الايام راعيها والعمر محدود وأيامي تقدمني = لساعه اللي توقفني ثوانيها ومدامها فانيه ياللي مخاصمني = لاتشغل النفس في نفسك وتلهيها عن ظنك اللي أتضنه ماتحاكمني =سراير النفس ماتعلم بخافيها