على الله بشتكي همي وربـي فـارج الضيقـات=على الله يوم ربي في نهـار الضيـق فارجهـا أنا أتوسلك ياربي دخيلك مـن هـواء الخفـرات=دخيلك من شقا الدنيـا ومـن نـارك وواهجهـا انا حبيت من قلبي وحبـي مـن صميـم الـذات=رميت اللي معي كله عشـان ارضـي تعوّجهـا خضعت ألها شموخي وأتظاهر بأعذب الابيـات=وحابس في صميـم القلـب شـي ٍ مايخارجهـا دمحت وشمت ياربي وأسامـح كـل هالغلطـات=يالين الضربـه الضربـه نتيجـه مـن نتايجهـا وانا طبعي حياوي واستحي لـو جـات بالنيـات=ولكـن ياحسافـه ليتنـي يــارب محرجـهـا سهرت الليل أهوجس وأتفكّر وأجـذب الونـات=وبنـات الفكـر لا جتنـي تسامرنـي أهججهـا خطيت وأكبر أخطائي .. دروب الحب واللوعات=ما اقول الا ياليت ابواب قلبـي قبـل مزلجهـا على كل ٍ طلبتـك يـا إلاهـي تغفـر الـزلات=تراك انت الوحيد اللي همـوم القلـب تفرجهـا