تمادى بالتجافي بنت من يحمى عقاب الخيل ..... و أنا قمت أتمادى بالعناد ورافع ٍ راسي أنا بأحلف عليك أنه ليا عداك نصف الليل ..... لمحتني بعين ٍماطرقها نوم ونعاسي أنا صديت عنك من العفاف وخوف قال وقيل ..... كلام ٍ يجرح إحساس الكرام ويجرح إحساسي أنا لا جيت في وسط المجالس كني القنديل .....وأناأعرف وين مقافي وأناأعرف وين مجلاسي ولو أن الليالي ما عطتني و الزمان بخيل ..... علي من المكارم ماسترني ثوب ولباسي لك الله ما تردى فالرفيق و لا يجيه الميل ..... ولا حديت في عرض المقفي زرق الأمواسي أحب الطيب وأهل الطيب حبي للحيا والسيل ..... و أنا من طيب ربعي ياسعد طيب ونوماسي سقى الله ديرة ٍ فيها تمشى من يجر الميل ..... على سود ٍ حداد كنهن عيون قرناسي ضحكلي بالثمان الغر وهو أبعد مثل نجم سهيل ..... وأنا أبعد منه من نجم الثريا منكسر باسي تذكرني بعد طول الزمان الي يهد الحيل ..... ولاني واصله لين الثرى يردم على راسي