تعـبـك راحــه واحـبـك مهـمـا تتعبـنـي=شفت الغلا كيف سوا من التعـب راحـه عــذبــه مـنـهــو يــــردك لا تـعـذبـنــي=الـبــال مـرتــاح والاعـصــاب مـرتـاحــه لا ينكسـر خـاطـرك كيـفـي وعاجبـنـي=اجرح ترى صاحبك مبسوط في جراحه انـا اللـى كسبـان مـادام انـت ظالمنـي=ماظني خسران مثلي يحسـب ارباحـه صوبـنـي مــن ويــن مــاودك تصوبـنـي=مـذبــوح ومـسـلـمـا روحــــه لـذبـاحــه غصبني علـي كـل ماسويـت يعجبنـي=قلبـي قفلـتـه علـيـك وضــاع مفتـاحـه