منتدى بني عزيز الرسمي من مطير - عرض مشاركة واحدة - # مارحت أدوّر كل زولٍ تحلّى ... لولاك تسوى ماعطيتك خفوقي #

اوسمتي · 01-23-2011, 06:13 PM

يامدور الهين ,,

يامدور الهين ترى الكايد أحـلى
...اسأل مغنّـي كايـدات الطروق ِ

الزين غالي لكن الأزيـن أغلـى
...ولكل شـرايٍ بضاعـة وسوقِ ِ

النوّ عالي والسما فوقـه أعلـى
...لا فاق علمٍ جاه عـلمٍ يفـوقِ ِ

الصعب هلاّ قلت ياصعب سهلا
...دامك تبيني فانت ياصعب شـوقِ ِ

أحب أعسف المهرة اللي تغلـى
...واحب أروّض كل طرفٍ يمــوقِ ِ

واحب أسافر مع سحاب تعـلّى
...واحب فوق الغيم لمـع البـروقِِِِ ِ

واحب اساهر بدري اللي تجلى
...وارسم شعاع الشمس عند الشروقِ ِ

يامن على ثاير فـوادي تولّـى
...خلّك على قلب الكرامـة شفوقِ ِ

أكرم عزيزٍ بالعمـر ماستذ لّى
...يسوق عمره للمشاريـف سوقِ ِ

اخترتك من الناس للقلب خلّى
... ياحيثك مرادي وكيفي وذوقي

مارحت أدوّر كل زولٍ تحلّى
...لولاك تسوى ماعطيتك خفوقي

كلمات:حالد الفيصل