على الهون ياجرح المفارق وضيق البال.. على الهون ياهم سطابي وقدرته! اعزك لو انك جرح ومجاهدك قتال.. وروضت جسمي لاجل سقمك وصبرته! لاجل من ملك قلبي من الجال لين الجال وفجيت له بابٍ عن الناس سكرته! وحطيت له عن شمس قيظ الغرام اظلال.. وشيدت له بيت بقلبي وعمرته! عشقته ودللته وجريت له موال.. وتخيرت قربه ليتني ماتخيرته! رعى ريف قلبي لين صارالحشا مدهال.. وعن مدهله جنبت غيره وذيرته! سقيته من عدود الغلا والغرام زلال.. بعد ماجذب من دم قلبي وصدرته! اداري عليه من الزعل وازعل العذال.. وخطاه ان كبر في عين غيري تصاغرته! نقشت كل حرفٍ من حروفه على السلسال.. أتباهى بها واغيظ ناسٍ مجاكرته! وكتبت القصايد في عيونه على اليامال.. وليامرني صوت النواخذ تذكرته! تكاثر علي الله يجازيه كيف الحال.. وانا يوم اسوق العمر له ماتكاثرته! وبعد كل هالتقدير والحب والاجلال.. تغير وهقواته عليه مغيرته! لبسته ثياب الغطرسه لين جا يختال.. وكبر في عيونه يوم الاوهام غررته! واذا السالفة ضحك ومهازل ولعب اطفال.. خبطت الغصن لين ابرق الريش طيرته! خلصنا وقفلنا الصناديق بالاقفال.. ومن جور حكمه كامل القلب حررته!