http://www.motir.net/vb/uploaded/501_albe.mp3 قلبي اللي حنانـه يحتـوي لـه قبيلـة ................صار كنه طويق بداخل الصدر راسي عقب حبه وعطفه عرضـوه المليلـه ................عقب ذيك المودة صار فيه انعكاسـي عقب ذاك الغلا والشوق مالـه وسيلـة ................عاف درب الرمنسي واتجه للسياسـي بعد ما هو هواوي يعشـق المستحيلـة ................صار عن من هوى يا ناس داله وناسي عقب ذيك الوناسه والشعـور الجميلـة ................صار متحف حزن وأيضم كل الماسي عقب ذيك المزوح بكـل يومـاً وليلـة ................بان دمعي على الخدين جارح وقاسـي عيني اللي من الإحزان باتـت كحيلـه ................وعين غيري يراودها الغنج والنعاسي وفكري اللي شغلتـه بالهمـوم الثقيلـة ................مجلس الهم الأول منعقد وسط راسـي