البارحه غنيت وانا حزيني && وجريت من قوس المعاليق ماطاب كنه خلاج مجروعات الحنيني && لاحدها في كنة القيض ملهاب اصد عن صلف القصيد ويجيني && همن يبين ضيقت الروح بسهاب متعومس وكن الفرح مايبيني && طاولت صبري لين طول ولا ثاب صبرت لين انباح خافي كنيني && واليوم مالي عن شقى البوح مجناب عيت لاتصفيلي مشارب سنيني && ومن قبلها عيو لايصفون الاصحاب اثر الوفا روح مع الاوليني && واثر الغلا ماعاد يلقاله احباب اللي من اول كنت احسبه ضنيني && قفى وهو ماقالي كلمة اعتاب وماقالي لا غبت لاتحتريني && وانا ذحبني الوجد والشوق غلاب حسبي على من حال بينه وبيني && اللي بدرب الوصل سوالي انشاب ياقل من يهتم ويحس فيني && وانا عشان الناس قاسيت الاصعاب صملت بس الحظ ماهو عويني && وصدقت بس الوقت ياخوك كذاب عطيت بس القل كبل يديني && وناديت بس الصوت ودى ولا جاب واليوم اشوف الشيب لاح بجبيني && بس الشقا والهم للحين ماشاب شفني بعد وايقت رجم اربعيني && الصدر غابت هم والحزن حطاب كن الشقا من قو باسه سنيني && يبرزلي انيابه ويفتلي اشناب يوم الردى والطيب له مشتريني && من يكسب المعروف في بذل الاسباب ابيه يفزعلي واحطه يميني && يومن سو الوقت سوالي ارهاب ماقلت لضعاف الروابع عطيني && ولاهان قدري عند نفسي ولا عاب ماودي الطم بصبعي نون عيني && ولاني بمصخي في عزيزين واقراب لي عزوتن هم صفوت الغانميني && اللي لهم وقفات يحسب لها حساب وبعض العرب يامال قطع الوتيني && اللي لهم في ظهور الاجواد مشعاب من يوم صار القل كنه خديني && جود اسبوقي لين خلاني ارتاب يالله زبنتك يااكرم الاكرميني && واللي طلب فزعتك يارب ماخاب قادر بعزك تطبق الاخشبيني && وشفاعة محمد لها عندك ابواب انك على فعل الصواب تهديني && وترحمني برحمتك يارب الارباب تمت وليه غنها يالرزيني && حيثن صوتك في سما الروح ينساب ماهو بصوت مهجرعات الحنيني && لاحدها في لاهب القيض ملهاب عز الله إنها قصيدة كايفه !!