بسم الله الرحمن الرحيم في هذا الموضوع إن شاء الله سوف نحاول بقدر المستطاع مساعدة الاعضاء في حلول المشاكل اللتي يواجهونها على أجهزتهم خليت عنوان الموضوع شامل لأن محتواه بيكون شامل ( صيانه وبرامج ودروس وشبكات وأي استفسارات أخرى متعلقه بالحاسب ) اذا احتجت برنامج نوفره لك اذا كان ودك تسوي شيء معين ولا تعرف كيف تبدأ فيه نقولك اسم البرنامج الي يخدمك مع الشرح عندك مشكلة في جهازك على الايميل في تصفح الانترنت من هنا يبدأ الحل محتار في برنامجين لهم نفس العمل اسأل ونرجح لك الأنسب تبي درس لإستخدام برنامج معين أو لطريقة التسجيل في موقع كذا ودك تشتري جهاز ولاتعرف كيف تختار المواصفات الجيده ماسبق لتوضيح فكرة الموضوع فقط ملاحظة منعاً للإحراج: في بعض البرامج مثل برامج التصاميم او برامج المونتاج سابع مستحيل نشرحها هنا لأنها تحتاج لوقت طويل وشخص خبير يقدر يوصل المعلومه بسهوله. ولكن نحاول نشرح لكم اهم خصائصها وكيف تبدأون معها ويبقى دوركم في البحث او شراء الدروس الكاملة من المكتبات الكبيره. أهم شيء عند الاستفسار تراعي النقاط التاليه ليسهل علينا فهم المشكلة: 1- ذكر نوع النظام ( مثلاً Windows Xp Windows7 Windows Vista ) 2- ذكر نوع الجهاز (مثلاً مكتبي لاب توب نت بوك ) 3- ذكر اعراض المشكلة بالتفصيل. 4- يفضل وضع صورة من المشكلة. وفي النهاية اذكركم انه ليس كل مشكلة يسهل علينا حلها بالوصف واني ما املك خبرة كبيرة تسمح لي حل أي مشكلة والموضوع ليس حكراً على الساهر ولكننا نتعاون هنا ونساعد بعض والله الموفق