المتألقه دائما عاشقة الشعر اليكم هذه الابيااات : مـن بدايـة لحظـة التكويـن لـي وقـت انتهـاءه و آنـا أداريـه بوفائـي و ارسمـه لوحـة أمــل كنت أحسّـه طفلـي إللـي منّـي و لـيّ إنتمـاءه و اشعر إني طفلـةٍ لـه / و الهـوى طفـل الخجـل كنت احبه .. إيه احبـه .. لـو بَـدَر منـي إسـاءه يَمَّه اركض / إصحى تزعل / ما اقوى يا خلِّي الزعل كنت بعيوني أشوفـه مثـل ( نشـوان ) افسمـاءه لو يحاول غيره ابعيني ( ايتعملق ) .. مـا وصـل !! بس مدري !! لحظة إللـي أعلـن الـدرب إلتـواءه و اكثرت فيـه الشوايـب و احتـوى صمتـه ملـل إنتفض بيـن الحنايـا ( شـي ٍ ) أبدالـي استيـاءه شي قاسي .. ما رحمني .. شوَّه الحـب .. و رحـل و الحلم .. آآآآآ .. يالحلم / ما رَيَّح ( الواقع ) غباءه كان له عامٍ .. حسافه .. مَر هالعـام .. ابْعَجَـل !! انقتل .. رُغم إنّ حُكْـم العقـل .. مِدِّيلـه بـراءه !! بس وش حيلـة محاكـم طاغـيٍ فيهـا الهَبَـل ؟! ــــــــــــــــــــــــــــــــــــــــــــــــــ ـــــــــــــــــــــــــــــــــــــ على طاري الجـروح إللـي تفـزِّزْ بالحنيـن اجـروح و ( دمع ٍ ) هَيَّضَهْ ( دمع ٍ ) و ( هَم ٍ ) ما انوجدْ زَيَّـه رجفْ قلب المِسا – لحظةْ - خَنَقْ كَفْ المُواجع ( روح ) و ذاب امن الحزن ( فجر ٍ ) فَزَعْ مـن فَـزَّة ( بنيَّـه ) على ( انقاض ) الفرح فاقت.. لِقَتْ (طِفل الحلم) مذبوح يلـوِّنْ دَمَّـه الطاهِـر جنـون ( الواقـع ) وْ غَـيَّـه جَرَت ْ.. تجمع شتات الحلم وُ تَحْضِنه ابعشق مفضـوح لقت وجه ( الصُّبح ) دامي يصيح امن الألـم ( ضيَّـه ) بكَتْ .. تِسترحِمْ الواقـع يـداوي صُبحهـا المجـروح خَذَلها .. و زَوَّد اجروح الصباح - ابقسوتهْ - .. كَيَّـه ألا يا ( حِزنها ) كافي .. تترجم و الشقـى مشـروح !! تِأجِّـجْ جمـرة اشـواق ٍ بوسـط اضلوعهـا حَـيَّـه شِكيتْ او ما شِكيتْ .. او ( هي ) شِكتْ آلامها بوضوح : ( إذا مات الشجر مَحْـدٍ يـدَوِّرْ فـي العَـزى فَيَّـه ) قصيدي .. يا قصيدي .. لا تِحاول .. مـا يفيـد البـوح تفاصيـل الحـزن أكبـر مـن اللـي تكتـب ايْـدَيَّـه و لكنِّي على طـاري الجـروح إللـي تِقِـض اجـروح بكيت .. و خَطَّت ادموعي ( حروفـي المُبْهَمَـه ذِيَّـه ) عاشقة الشعر