انقل لكم هذه القصيده لسالم محيا العزيزي [glow=990000] صابني في مقتل الظافي=رمش حياً حور(ن) عيونه من شهر شعبان ياكافي=لين جاء شهراً يحجونه طايحن والناس وقافي=وان نوو درباً يسجونه لي ونيناً يقعد الغافي=واكثر الجيران يشكونه والغضي ماهو بروافي=لو هل المعروف يرجونه ما سقاني مابه انصافي=والصويب الناس يسقونه سكراً فيه العسل صافي=مبسمه من مرمراً لونه ان مشاء ماله توصافي=وان وقف قاموا يحيونه صورتاً عجز الفتوغرافي=والمصور في تلفزونه والخيال وكل الاطيافي=مثل زينه ما يجبونه واحمد الله قمت متعافي=قومتاً ماهي بمامونه أنشغل بربوع واظيافي=والفتى ربعه يسلونه واغلب الايام متشافي=من شهر للي يعدونه نوب اعدي راس مشرافي=وأذرف اللي ما يشوفونه دمع عيناً في الصخر صافي=عقب وقع في صفاً دونه كيف خدي من هواء الجافي=كيف قلباً تنزف طعونه والهواء قد مر الاشرافي=وابن فيصل هيض شجونه خالد اللي حج وأطافي=والقصيد العذب توحونه شاف زايد منه ما شافي=زايد اللي ما تناسونه صاب ابن مكتوم هدافي=جاء شلش مد ري ع هونه غصب أغني والهواء خافي=لين شعاره يغنونه والله انه ما انعسر قافي=لو بعض عالم يعسرونه منصخر وحروفه ارهافي=سعد عيني لو تغنونه والقضايا عند عرافي=والشعر ناسه يعرفونه وان زهد فيه الفتى لافي=له معازيباً يحيونه والصحيح ان الهدب ضافي=يذبح الرجال مسنونه