بسم الله الرحمن الرحيم يسعدني ان اعبر عن سروري بنقل هذه القصيده للشاعر سالم بــن محيا بن ثواب العزيزي يوم حب وليلته صار الفراقي=قصة (ن) تذبح فؤادي كل ليل إبك ياقلبي على فقد الطراقي=ذا جزا من حب له عابر سبيل الغريب اللي حديثه فوق راقي=لين هل الدمع مع طريا الرحيل يوم سال الدمع وان الكحل باقي=قلت كحلك يا حبيبي ما يسيل قال كحلي لا حجازي لا عراقي=مسحة الرحمن خلتني كحيل وأقفت اللوعه على ساقه وساقي=وأثر منصاب الهوى مشيه ثقيل قطع يالفرقا بعد عيد التلاقي=ما نبيها ليت للفرقا بديل روحوبه والصبر مر المذاقي=أشهد انه صعب لو قالوا جميل ضاع عنوانه ولا ضاع اشتياقي=بس احبه لو رجوعه مستحيل من يوصل للوليد أمر احتراقي=يكتب اسمي فوق برج له طويل يمكن المزيون موزون التراقي=لين شدت بالصدر خصر(ن) نحيل لا نظر بعصير في زين المراقي=والمرايا عاكسة شمس الاصيل ينظر اسم اللي عشق يوم الفراقي=واحد(ن) يذبح فؤاده كل ليل