بسم الله الرحمن الرحيم السلام عليكم ورحمة الله وبركاته هذه القصة حصلت على المراشده من الروقة . أخذ المندهة المطيري وجماعته اباعر الشيخ شبيب بن حجنه شيخ النفعه وهو كان في سفر وذهبت ابنته الى المراشده فوجدت الشيخ ضيف الله بن مدوخ بن تنيبيك عائد من زيارة خالة عقاب بن شبنان بن حميد ولم يكن لدية الا سته من الفرسان فركب مع فرسانه واستردوا الابل وفي هذه الوقعة يقول شاعر المراشده سيف بن ماضي الحكرة ..... هاضني قبل امس يوم اذن الظهر النصيب قال جاكم صايح ستر راسه فـي عصـاه ثم وضينا من الماء علـى جـال القليـب وقوم المذن وصلينـا وعجلنـا الصـلاه يوم لدينا ليا بنـت ماقـد جـت بصيـب كن حبة ديدها في النحر جمـرة غضـاه قلت يابنت استحي ذا التبرج منك عيـب قالت العلم الدبش يالاد روق اقفي عـلاه ثم قربنـا المعـارك لعجـلات الهذيـب كل وحده كامـل قرحهـا واهيـه فتـاه زادهم التمـر والبـر وعويـدٍ رطيـب لين راحت وحدةٍ كنهـا وصـف المهـاه سبعة والكل منا علـى مثـل القضيـب طالع من كف صقار يطـرد لـه قطـاه جعـل ذرعـان لحقنـا عليهـا ماتعيـب يوم ياطن الدعث كنهـن ياطـن صفـاه يوم جيناهم ليا شيخهـم رايـه غضيـب لين خلينا الرمك بالحـذاء تاطـا عـلاه يوم قسمهـم صليبيـن جيناهـم صليـب ماتثور البنـدق الا عقـب تلمـس قفـاه والله انك تزهم الرجل باسمـه مايجيـب موقف درب النفس زمة مثـل الحصـاه طامع فينـا بقومـه لعـل امـه تخيـب جا يبـي خيبـة رجانـا وخيبنـا رجـاه حشمة اللي يوم جا الوقت تعطينا الحليب يوم لاذ الستر مطعومنـا حـدر الرغـاه هجمة من وقت عالي شباب .. وشبيـب مايجيها طامع غيـر نرثـع فـي شـواه ياذيابة كشب والخـال وذيـاب الجذيـب انحري هكران تلقين الفرايس فـي قـداه ثم عد الضلغ ياذيـب واشعـط بالقنيـب لين ما في كشب من ضبعه توحي عـواه ((هذا الموضوع طرح في منتدى المحاني))امل مناقشته ولي ردود لاحقه