ياصاحبي من الهم صاحبك محزون=يبكي خفى بالليل محدن دريبه لا من بغى يشكي لربعه يقفون =اقرب قريب راح هاذي المصيبه يسهر مع احزانه وربعه ينامون=يحكي لنجم اسهيل قصه عجيبه يحكي عذاب(ن) داخل القلب مدفون=منه نحل حاله أدموعه سكيبه قريب موته والمخاليق يدرون=يدرون جرحه من سبايب قريبه محدن فزع من بينهم مايروفون=ما يرحمون اللي دموعه سكيبه على جروحه يضحكون يتسلون=ماجربوا مثله حياتا صعيبه وختامها ادعي ربنا خالق الكون=يفرج لمن عايش حياتا كئيبه