بسم الله الرحمن الرحيم .. هذه قصيده لشاعر فهد بن خالد بن صنت الصعيري العزيزي.. قالها في حفل زواج فواز ابن الشيخ سعد بن حمد الصواني العزيزي.. اترككم مع القصيدهـ.. يالله عفوك ياعظيم الشانــــــــــــي ياواحدن فالكون ماله ثانــــــــي أبدأ بذكرالله بداية قولـــــــــــــــــي الكلمة الي ترجح الميزانــــــــي ماني بباديها كما الي قالــــــــــــوا لايانديبي شغل اليابانـــــــــــــي وامل التوانك فل واقفر حالـــــــك ولاترحم الي صانعه نصرانــــي واضرب بها ميتين واوصل خطي تراه والله يالرجال جنانــــــــــي معرضه للتهلكه برسالـــــــــــــه ورسالة الجوال في ثوانـــــــــي من بعدها يقاف جود دربــــــــــك الشعر له موقف ومس بطانـــي خيلن تصاهل والضفر حاديـــــها وانا لساني فاللزوم حصانـــــي والاسوات الجيش يوم تمــــــــيز لاضمرت ثم طبت الميدانـــــــي واقول هذي جيشنا السباقــــــــه الي عليها ردعة الصعرانــــــي وابذكر اللي جيت عاني لجلـــــه ابن الكريم معرب الجدانــــــــي الي ليامني زهمــــــته لــــــبـــى يبان يومن الرجال تبانــــــــــي ياقف مواقيفن تبيض وجـــــــهه وتجمله فالي يجيله عانـــــــــي فواز ما استغرب عليه الطالــــه حاجه طبيعيه على اي صوانــي سلمت يلي بالوفاء ربيـــــــتـــــه عزالله انه حصان وابن حصاني واقول يابن حمد يسلم راســـــك يابوهلا يامكرم الضيفانــــــــــي كلن يعرفه مايبي له واصـــــــف طلق الحجاج وكلمته ميزانــــــي رزين له وقفاته المشهـــــــــوده ماهو من اللي يلحق العيدانـــــي ضلعن يذرى به كبار حيـــــــوده من ماكر احرارن طوال ايمانــي من روس ربعي محتمين التالي الياغطى كبد السما الدخانـــــــي بني عزيز مطوعين العاصـــــي اهل النقا الخياله الفرسانــــــــي انشد وتلقى فالاوادم صــــــــادق حتى ولو انه من العدوانــــــــي منا خوي الذيب عامر يلـــــــــي تنشد من الي رافق السرحانــي فينا الوفا سيمه وطبع وعـــــاده نوفي ولو انه مع الحيوانـــــــي ومدحي لربعي مايزعل غيـــري كل القبايل فالبلاد اخوانـــــــــي وكل القبايل نعم مابه ناقــــــص الا ردي الدين والايمانـــــــــــي لكم تحيات اخيكم.. رفيـع الـمـقام..