نجوم السماء أقرب لك من الرجعة عقب ماأقفيت=قديمة قولتك ندمان حاسبني بغلطاتي بعيدة ترجع لقلبي تراني صعب لاصديت=ترى ماهو على كيفك تعيشني بلوعاتي بعد ماشفتني مخلص وغيرك بالبشر ماأغليت=تقوم وتنكر العشرة تقول أن الغلا ماتي كفاية جروح في صدري أسليها على التنهيت=دخيلك لاتقلب لي مواجع حزن وآهاتي دخيلك لاتذكرني دخيلك لاتقول أوفيت=تصورني مثل يومٍ مضى من عمرك وفاتي دخيلك كفكف دموعك وودعني مثل ماجيت=ترى لاقلت لك كلمة أنا ماأرجع بكلماتي تراها أصعب من الصعبة تبي ترجع بعد ماأقفيت=خسارة قولتك ندمان حاسبني بغلطاتي