دمعة حزن تسكن عيوني من العام=عيّت تطيح ولاتخفى عن الناس دمعة حزن دمعة تعب دمعة آلام=دمعة شقى دمعة قهر دمعة أحساس ياماسألوني سنين وشهور وأيام=عن دمعةٍ فيها الحزن صعب ينقاس وياماكذبت وقلت هاذي من أعوام=ردي طبيعي والبلا كتم الأنفاس أكتم جروحي والعمر غادي حطام=كم واحدٍ لامن سأل قلت لاباس ياما ندبت الحظوالحظ ماقام=وياما شكيت الوقت والوقت بلاس ياما تمنيت السعادة بالاحلام=وياماتمنيته على كل هوجاس هذاك هو اللي به الوقت مادام=وأعلنت في دنياي من بعده أفلاس قفابه الوقت العوج وقت الأوهام=عشت الحياة بحزن بس رافع الراس أضحك وأجامل وأكتم الحزن لي عام=لكن عيوني فضحتني مع الناس