نص شعري يتوجد به الشاعر ويشكو فيه لووعة الفرااق أبطت خطوطاً راحت اول وتالي ****متى يجيني راجع الخط ابى اقراه وان ظاق صدري جبت صفر الدلالي ***ودنيت نجراً يجذب اللي حوالاه يازيـن صوته في خطاة الدحالي *** مع ظف ربعاً راعي البطل تفحاه يالله ياخلاق سمر الليالي *** تفرج لــعبداً كــثر الاهــجاس تــدلاه امن العشى لين اشعلن التوالي ***مـانـامت الاعيـااان والله والله من هاجاساً بالقلب جاه اجتوالي *** ولاتهتني بالنووم عيناً مشقاه يالله يالخلاق منشي الخيالي *** ياللي تــحج الناس بــيته وتنخاه لتعوظنا في ذا البلد بالاهالي *** بشووفة اللي زآآل انا حي ماأنـسااه البعد مايمحى هوى كل غالي *** مااخبلك ياللّي تحسب البعد يــمحاه يامنّ يوصّل جابتي بالكمالي *** لــعيال جدٍ غــاية القلب ومــنااه يفز قلبي وإن لحقهم مجالي *** ياحبّ قلبي للقرابات حـبااه ياجاهلاً فيهم ترااهم رجالي *** ميااحةٍ للحق لو دونه أعـصااه يطّوّعن اللي عند الدرب عالي *** ماهم باهل عاله ومن عاال تـقدااه بيوتهم للظيف فيها ظلالي *** وصحوونهم دايم لمن جى مـعباااه ودلالهم فيها اشقر البن ظالي *** شراابةٍ للهيل لو سوقه اغـلاااه راشد بن نافع العزيزي رحمه الله تقبلووا تحياتي