قصيده مدح في مطير وللأسف مايحظرني إسم شاعرها حنا هل الشلفاء وحنا هل الخيـل ..وحنا مطوعـة الرجـال العنيـده وحنا كعام الضد حنا الحلاحيـل ..أفعالنا ما تنحصـي فـي قصيـده وحنا السيوف المرهفات المصاقيل ..كم راس شيخٍ نبعده عـن وريـده يوم الحروب و يوم قتل الرياجيل ..أفعالنـا بيـن القبائـل و كـيـده كم من عـدوٍ ذاق منـا الغرابيـل ..وكم من صديقٍ نام نومـه سعيـده وحنا الكرم للضيف ذباحة الحيـل ..يوم الحيـاة القاسيـه و الزهيـده يوم البخل والشح وقل المحاصيـل ..مداتنـا بيـن القبـائـل فـريـده يشهد لنا التاريخ جيلٍ بعـد جيـل ..ذروة سنام المجد ماهـي جديـده عرفت حنا ميـن ياسامـع القيـل ..حنا مطير أهل الفعـول الفريـده وسلامتكم