البارحه كني بعيداً عن الناس *** سهران لين الصبح بين شعاعه

الليل طال وطوله كثر الاهجاس *** ولالي ياكود الصبر ويا القناعه

هماًملى قلبي كمى رمل الاطعاس *** والوقت شين ولازماً من صراعه

نصبر على مر الليالي ولابآس*** والصبر يبــغاله عــزوم وقنـاعه

ياسيف بالي عبقكم صار منحاس *** حـالي نحل مابـاقي ألا وداعه

مشتاق لك ياحر ياعذب الاجناس *** شبلاً مولع بالفخر والشـجاعه

يارايحاً للغرب في رفـعة الراس*** دايم تـطول الطايله والطــماعه

أرسل سلامي يمكم وسط قرطاس *** البــعد حادينا ولاهي قـطاعه