الخاطره التي ابكت الشارع السعودي لا أعلم حقيقة لمن هي ولكنها خاطرة جديرة بأن أنقلها لكم ...الطفوله أحلى مافي هالحياة مرحله من غير هم كنـّا دايم نبتسم كنـّا حتى لو بكينا ... وجارت الدنيا علينا بعد لحظـات وثواني بسمه فينا ترتســم .. كنـّا نركض خلف كوره ... ( لا لا أنا ماكنت معهم !! ) وحدي بس بعيد عنهم ... كنت أنا أضحك عليهم جالس لحالي أهذري ... جالس أحسب كم ( كوبري ) صلـّحه ( أحمد ) في ( ماجد ) ؟؟ والله واجد!! ... وقبل ما يحل الظلام للبيوت نروح نجري ... ( لا لا أنا ماكنت معهم ! ) أمشي وحدي بعيد عنهم ... أمشي وأعدد أثرهم ! وهم عني يبعدون يبعدون ... يبعدون إلا ( ماجد ) !! كان مثلي حيل ضايق ... بس حزنـي كــان حارق كان يسألني ببراءه : ... ليش تعرج ؟ ... قلت مادري ! ... باستياء ليش تبكي ؟ قلت مابكي ... بكبرياء ضاق مني ... ثم سألني في غباء ... قال ( وثرايك تـثــابق )؟؟ وراح عنــّــي ... !! .... كنت أسأل دوم نفسي ... ليش ما أركض معاهم ؟!! ليش دوم أمشي وراهم ؟!! وش بلاي ؟!! ... أو وش بلاهم ؟!! ليه أنا غير الأنام ؟!! زاحمتني الأسئله... كل شيٍ أجهله ؟ وإن تعبت من الإجـــابه... أحظن الحيـــره وأنام . .....