حدث واقعي بالصور كان فيه واحد جاي من الخرج وده يتفرج على السيول في صبخه اللي تجيك قبل القصب على اليسار وانت جاي من الرياض المهم الرجال وقف سيارته على جال البحيره ونزل يتمشى ما درى الا الماء وصل موتره حاول يطلع لكن ما امداه كفراته صارت تدور في الطين المهم ترك موتره يمرح يوم جا الصبح ويفزع له راعي حراثه حاول يسحب الجيب لكن صارت هذه النتيجه ومن جهة أخرى تلاحظون دله الشاي ؟؟ شكلهم وسعوا الصدر عند الحراثه مسيكينه هالحراثه راحت فيها الحراثه تقول طلعوووووني وش لقفني اجي هنا المهم أشروا لراعي سكس على الخط وجا يبي يسحب الحراثه وكانت هذه النتيجه وهذه صورة ثانيه ولاحظ قرب خط الزفلت عرفوا ان الموضوع يبي يطول والدليل ترمس المويه !!! قالوا مابدهاش لازم نجيب دركتل لكن شوفوا وش صار من شفت الطاسه اللي حاطها ورى وانا غاسل ايدى قامت الحراثه تضحك وتقول قالت : قيت لك ياعبدالمعين عوزك تعيني لئيتك ياعبد المعين عاوز تتعان) ) المهم قالوا الحل الأخير هو الاتصال بالدفاع المدني وقاموا وزينوا الشاهي بعد ما خلص الشاهي اللي في الدله وقعدوا يتقهوون بالبريق اللي قدامكم وفعلا جا الوايت علشان يسحب هاللي غاطسين وشوفوا وش صار وتركوا الجيب والحراثه والوايت والدركتل وحاولوا يطلعون الوايت شكل السواق توهق يوم انهم عجزوا قالوا ما يفل الحديد الا الحديد جيبوا ابو جنزير ويجيك يتمخطر ويضحك على هاللي غاطسين لكن جاه ماجا ربعه تعلق اخونا في اللهو قال هذا مكاني وجابوا عمال البلدية يحفرون له وحطوا له خشب يبونه يطلع لكن ما فاد وبعد ما استفادوا من الدرس اللي تكرر عليهم في الجيب والحراثه والسقس والدركتل والوايت وابوجنزير قرروا يسحبونها من بعيد ربطوا عدة وايرات في بعض وطلعوا ابو جنزير ويقولون ان الدركتل اللي سحبه على الزفلت هههههههه الصبخة ما يلعب معها ثم سحبوا الدركتل والحمدلله على السلامه هذه صورة للموقع من بعيد ما يستفاد من الموضوع الاتي : 1- لاتهايط اذا شفت السيل 2- حاول تستفيد من اللي توهقوا قبلك 3- ماهو بكل من اتصل بالدفاع المدني يبى يطلع