نبارك للعقيد ركن رشدان بن غالب الطريس على رتبته الجديده متمنين ان تكون حافز له لبذل المزيد من الجهد والعطاء والإخلاص في خدمة الدين والمليك والوطن..

وبهذه المناسبه هاضت قريحة شاعرنا المبدع دوما"
الشاعر عبد الحميد بن سواعد الطريس وكتب هذه القصيده...

نجمتيـن وتـاج والرتبـه عقـيـد
..علقت فوق متنـك يارفيـع المقـام
والله اني من الفرحه كتبت القصيـد
..والله اني يالولا البعد جيتـك شمـام
لكن اقولك مبـروك جعلـك سعيـد
..وياعسى مايفارقك الفرح كـل عـام
يوم جاني الخبر تقول في يوم عيـد
..ولايعبر عن اللي في كثـر الكـلام
ياسعد من نصا مثلك بيومـن شديـد
..يوم غيرك لاجاء الميقاف يبطي ماقام
وياعسى فدوتك رجلن ماعنده جديـد
..وليا نشدته يعد فعـول جـد وعمـام
وآخر الي بقوله جعل عمرك مديـد
..وأقبل التهنئه مـن شاعـر" مايـلام