إهداء لمن اعادني عشرين سنه للوراء ولقلوبكم جميعاً وعسى ان ترقى لأذواقكم قلبي اللي كان في صدري واخذته من مكانه=كنه إلا منك ماهو قلبي اللـي كـان منـي جاك باحساسه ولك وحدك وفاه ولك حنانه=فيك عيا لايطاوعني وانا به خـاب ظنـي كنت أحسب إني لغيري ما على قلبي ميانه=واثرك أنت تمون ويفضلك وقت الجد عني وجيتك اسلمك باقي العمر يبقى معك امانـه=أنت صدق تمون وانا ما معي غير التمنـي وانت تدري انك تمون وتدري إنك لك مكانه=وان قلبي مظرم ولا كيفـه هيلـي وبنـي وانت تدري ليش في يمناي عود الخيزرانه=لأن فيها بعض مابك من ليان ومـن تثنـي وانت تدري يوم انا احب القمر منهو عشانه=لأن وجهك بالقمر حتى القمر بك ممتحنـي كل ماحاولت نسيانك يقول الكـون عانـه=كل شياً زين في الدنيا خـذا منـك وفتنـي بس تكفى خل قلبي يعطي الجـرأه لسانـه=لا نظمت الشعر في حبك يسمعـك ويغنـي الكلام اللي لساني فـي غيابـك ترجمانـه=يوم أشوفك كني إلابس خمس سنين سنـي