السلام عليكم ورحمه الله وبركاته الموضوع هذاء غريب ومنتشر وبصراحه والله مضايقني وصرت دايم اشتري علك ولبان بنص ريال تدرون ليه ؟؟ تشتري مقاضي تجي تحاسب يقول لك المحاسب الحساب كذاء كذاء ونص افاء من وين اجيب لك نص ماعندي يقول لك المحاسب خذ شي بنص وراص كراتين العلك قدامك بجميع انواعها وتضطر لشراء علك غصب عنك طيب زود ريال وفكنا من النص طيب اخذت نص وين اشيله بالمحفظه ماله مكان ابد ومحد منا شال نص في السعوديه وحاطه في المحفظه لا ومجمع هلل يبي لك صندوق صغير وتمشي وتحاسب ولو تلاحظون وتدققون اي واحد يطلع من السوبر ماركت او البقاله ياكل علك ضاهره غريبه والسبب مدري هل هو غلاء الاسعار زود ريال وفكنا لكم مني كل الحب والتقدير .