بسم الله الرحمن الرحيم اخواني واخواتي اعضاء المنتدى الرائع اسف للتاخير والانقطاع وذلك لظروف خارجيه لكن عندي موقف حصل لي قبل يومين بدخل بسرعه واقول لكم وش صار كنت في محطه بنزين لتزود بالوقود لغه عربيه وش بختار اكيد الاخضر علشان علم بلادي جاني طفلين من جنسيه افريقيه بس مدري وشهي لاتسالوني اعمارهم مابين 9 سنوات الي 11 سنه وزي مهم متعودين كلام يقطع القلب علشان اعطيهم لو ريال قلت لهم من اشطر الشاطر بعطيه عشره ريال وتهاوشو كل واحد يقول انا طبعا واحد ولد والثاني بنت يقولون انهم اخوان تدخلت بينهم لكي اجاوب علي سؤال في بالي قلت الشاطر اللي يجمع فلوس اكثر وماراح تصدقون والله كل واحد طلع اللي معه وقام يعد ؟؟؟؟؟ الولد معه 800 ريال والبنت معها 1100 ريال والمصيبه انهم يقولون هذاء بس شغل اليوم وقلت لثاني وانت ليه اقل من اختك قال انا اليوم مريض بس امس جمعت اكثر منها ؟ بغيت اتسلف منهم ههههههههه. وش رايكم والله مصيبه نتصدق علي ناس ماندري هم محتاجين او لا بس يجب اخلاص النيه في الصدقه وماعليك من الباقي .