أخواني رواد هذا المنبر الإعلامي من إدارة وأعضاء وزوار السلام عليكم ورحمة الله وبركاته ,,,, وبعد انقل لكم هذه المساجلة الشعريه بين الشاعر العلم / راشد فالح العزيزي والشاعر / عبدالله صلاح العزيزي. حيث وجه الشاعر راشد بن فالح الرقابي القصيده لشاعر عبد الله بن صلاح الرغيه القصيدة التاليه وبلاشك انه شرف لي و لأي شخص تسند له قصيده من شاعر بحجم ابو محمد(راشد بن فالح) فهو علم القبيلة في جميع المجالات ومن مشاهير شعرائها فقد استفدت من جزالة شعره ومن حكمه. وإليكم قصيدة شاعرنا ابو محمد المسنده أبدا بذكر الله قبل أتكلم = رب العباد المعتلي في مقامه رب على سبع الأرضي تحكم = اللي خلق وسير نظامه من بعد ذا قيم يا نديني تولم = أركب على جيبٍ سريع ولامه أركب على جيبٍ يخم الوطاخم = يهوي كما الصاروخ عند انهزامه جيبٍ جديد من الوكاله مرقم = رقم على الصدام خلفه وأمامه آخر مديلٍ للسعودي مسم = صادر من اليابان رمز الفخامه وصل سلامي لبو باسل وسلم = وقله يبلغك الرفاي سلامه قله عساك من الصواديف تسلم = سلمت يا رجل الوفاء والكرامه اللي على طيب المعاني تعلم = علم الشرف ما هو يعلم الرخامه عبدالله اللي بلموا جيب يفهم = أنشهد أنه يستحق الزعامه طيب المعاني والكرم ظمها ظم = ظم الكرم والعرف ولاستقامه في مجلسه دله وكبش يقدم = مفطحن شحمه مفطي عظانه والعود الازرق للفاوي مولم = للظيف والجيران داير نظامه وسوالف تبعد عن الزاير الهم = وله فزعتين تزيل عنك الملامه رد الشاعر عبدالله صلاح بسم الله الواحد الفرد الأعظم = اللي وعد للحق يوم القيامه يا عالمن في سر عبده ويعلم = علام ما يخفى بشرقه وشامه ومن بعد ذكره جت بيوم تداحم = وردن على عدن رهين جمامه ويا ركب اللي لونه احمر كما الدم = جسمن جديد بنص شبكه علامه من البيت الأبيض تورد وسلم = وأمر السماح موقعن من اوبامه جسمن شكا مينه مروح تواشم = وشيم صاروخن توجه سهامه سواقة النشمي وجل تعلم = صليب رأي وفيه عزم وجزامه من القصيم وبعد للفرض تمم = الظهر حرك رافقته السلامه يلفي عريب الجد والخال والعم = راع الوفاء والمرجله والشهامه له مجلس بالمجد والعز كرم = والطيب راشد حاز رافقته ذروة سنامه ماهو من أهل السب والشتم والذم = وليا نطق ما ينقد في كلامه راعي دلالن في وجارة تقدم = رجال دين وقوم عرف وفهامه سلايل رجال تقض اللوازم = يومن كلن نجدته من حزامه وعطه الجواب وقوله يا رجال سم = هذا جواب من الرغية وسلامه وجعلك يابو محمد تسلم وتنعم = وعساك دايم ما تشوف الندامه وإعداد ما يكشف عن العبد من غم = وصلوا عدد ما غردت من حمامه الشاعر / عبدالله صلاح العزيزي