الاخوه الأعضاء والقراء بمنتديات بني عزيز السلام عليكم ورحمة الله وبركاته وبعد اهدي لكم هذه القصيده التي موجهه لذي عواد من الطحوشه وذي عواد رجال لهم مكانتهم في بني عزيز وهذا من اقل القليل الذي يجب ان يقدم في رجال مثلهم لكونهم اهلا لطيب والجود دون قصور في جميع بني عزيز وإليكم القصيده التي اسال الله ان تنال اعجابكم لولا اللوزام ما عفرنا الرياجيل = قروم الرجال معدلين الميالي اللي لهم تنساق بيض الفناجيل = من راس كيف مهيلات الدلالي اللي على اللازم زحولن حلاحيل = دون اللوازم يرخصون الريالي وخص ذي عواد جمله وتفصيل = الكل منهم في لزومه مثالي بعزاً يعز اجيال جيلن بعد جيل = وذخراً مخلد مع عيال العيالي يالله تسمع دعوتي تالي الليل = تسمع دعاي وتستجيب السوالي عسى لهم في راية العز تفضيل = راية شرف فالأوله والتوالي يطرب لهم رع الونس والتعاليل = لن جامجال معطرين المجالي غيث المقل اللي جرا له غرابيل = مثل الحيود وشامخات الجبالي يشفون غيض أهل القلوب المغاليل = هم راس مال اللي بلا راس مالي لا خير في مدحن دعاية وقاويل = ماله شهاده من كنوز الرجالي نطاحة الواجب وذباحة الحيل = لن قصر الدوني قصير الحبالي ضد المعادي وهل القال والقيل = وضد الخصيم الي عن الحق مالي ماغيروا طيب الفعايل بتبديل = عز القريب والرفيق الموالي ندرابهم شر الليل المقابيل=بعد الله الخالق عزيز الجلالي الشاعر معيض بن ناهض الطحش