وشيب عيني كل ماشفت زولة = ادمي على الماء ذيروه القنانيص وقع العيون بقلب من جاس حولة = مثل الجهاز الي وطته المفاريص اليا هرج يدهشك فكرة وقولة = بحر ن من الحكمة وتو مابعد غيص ركب الهوى لا واجهوه اقهروله= وقفا يقود اركابهم كنه غليص ارسل على قلبي نبا مع رسولة = وقدم النبا مرسل عسوس وقواصيص اقبل وقلت ان الامور محلولة = وقفا ولخص قلبي الحب تلخيص قلب ن سلك درب الهوى مادرو له = مايدري انه في دروب ن معاويص ليل العنى مرخي علية سدولة = هاذي حقيقة حال ماهي مخاريص وليا ابرهز اليل وقفا بضولة = ولا القليب موسمته المشاقيص عيني كما مزن ن تدلة ثعولة = والقلب يبغاله دكاتر وتشخيص يالله عسى التوفيق في كل جوله = من حظه وياخذ على الفوز ترخيص . شعر جميل في الوزن فعلاً شاعر يحبك القصيد . فقط ياليت توضح لي معاني الكلمات الحمرااااء