غلط ياناس انا لي زمن ماشي عدل محترس ياناس=ولا كنت افكر بالغلط لين ناظرته جماله طبيعي مابعد شفته مع الناس=تباركت يارب البشر كيف صورته جمال ابن يعقوب الذي يسحر الجلاس=سحرني نهب عقلي وانا ماتعرضته لاكن قلت له يجمل عقود الذهب والماس=ابيك بحلال الشرع ما غيره اخترته ضحك قال مصعب ماطلبته ياولد الناس=ضريبة جمالي كل من جا لنا عفته تقل عين صابتني وجابت لي الهوجاس=سبب في شتات الوصل ما يوم جمعته وذرف دمع عينه قلت انا افدا لهذا الراس=انا وين حظي جابني لين ناظرته صحيح ان حظ الزين مدفون بالاطعاس=عليه العواصف تبترم لين دفنته فلاتعجب لشي انكتب يكتم الانفاس=ورفع يده امودع وانا غصب ودعته ابواحمد