ياهل الحب والله ماعلي ملامه لاتلومون خالد عقب شاف حضريه حبها وسط قلبي فارق ً بالعلامه واعنا الحال منها والعيون الشقيه يبو متعب سواتي ماهتنى في منامه حبها يبو متعب صار ليه قضيه وكد العلم ياسلطان وأفهم كلامه خل عندك لطراد الهوى معنويه خمسة سنين وانا مولع في غرامه لين عفت الدوام والبدله العسكريه قالوا أسلم وقلت اليوم مامن سلامه عقب ماصابني رمشه بسهم المنيه لامشى مشيها يشابه لمشي الحمامه بالدلع والغنج والله مايوجد حليه خدها برق وسم لاح وسط الغمامه ونهودها نبت فقع ً بالفياض العذيه ياعساني فدوته وفدوه الابتسامه والثنايا ليا بانت لنا جوهريه لو يحلل لنا دين الشريعه حرامه كان اشف الشفايف شفتين هنيه مار ذا دينا حتى يوم القيامه بالمساجد فتاوي وداخل السوق هيه الشاعر/خالد متعب القلعاء ::