ويلاه ياعمر الشقى كيف أبنساك ويلاه يادمع العيون ونظرها ياشين وقتي يوم أدوّرك ماألقاك وياشين حالي لاتزايد كدرها وعزي لقلبٍ تملكه وسط يمناك وعزي لنفسٍ من فراقك قهرها وشلون بألقى بالمخاليق حلياك وأنت بليال العمر عندي قمرها تكفى ترفق وأرحم اللي تمناك اللي عيونه تشتكي من سهرها يسهر بليله يرتجي طيف ذكراك ودّه تعوّد كل لحظه ذكرها يانعنبو الفرقا وياشين فرقاك صدمة فراقك خافقي ماقدرها والله ثم والله لايمكن أنساك ألين دمع العين يذهب بصرها