فــــــــــــــــــــواز الـــــــعـــــــزيـــــــزي يامرحبا عد الخيال اللي معه برق ورعد *******اللي ليا خيّل على الديـره يغيّـر لونهـا ياربعنا السلمان لاحظر الثبيتي فالوعد ******عسى هل السيـل الكبيـر تراقبـه بعيونهـا ســــــلــــــطـــــــان الــــمـــــنـــــصـــــوري دام البقاردية( ن ) تهدى علاك بلا عدد***** من عزوة ( ن ) بين القبايل مااختلف قانونهـا حنا اليامنا حضرنا قام ابو زيد وقعد **** يخاف نطحـن حبتـه بعـد استـوى مطحونهـا فــــــــــــــــــــواز الـــــــعـــــــزيـــــــزي الله يستر من حضور السبت وغياب الأحد ***** ومن السباع اللي تورينا بيـاض سنونهـا اللي معه حجه على غيره يجيبلها سند***** حتى يثبتهـا كمـا الجمـرة علـى غليونهـا ســــــلــــــطـــــــان الــــمـــــنـــــصـــــوري انا ليا شفت العزيزي قلت ماشاء الله ولد ***** واثره ولد لاهو ورى الحروه ولا هو دونها عز الله اني قلتلك لاتامن حمود وحمد *********للكن قل لاام القرين تحول دون قرونهـا فــــــــــــــــــــواز الـــــــعـــــــزيـــــــزي أنا ولد وأبن ولد وبمنزله حاكم بلد **** ****واصل مواصيل (ن)كبار ثبيت ما يصلونهـا والطرقي اللي تعب أقدامه يبي حل العقد ****أقابله وأسمع علومـه وأعـرف مضمونهـا ســــــلــــــطـــــــان الــــمـــــنـــــصـــــوري انته ولد قد البلد لكن ماعندك جهد **** تطرد ورى ذيك العجـوز اللـي كسرنـا شونهـا والطرقي اللي تذكره مد الك حبل من مسد ***وده يربـط بالحبـل ليلـى ورى مجنونهـا فــــــــــــــــــــواز الـــــــعـــــــزيـــــــزي حنا على عز ومعزه والبيـوت ام العمـد *****ماهماتسـوي يالثبيتـي ماتهـد اركونهـا والعالم الله وش يكون الذيب قدام الاسد ****يوم الليالي سرهـا فـي ظهورهـا وبطونهـا ســــــلــــــطـــــــان الــــمـــــنـــــصـــــوري ابيوت ماتبنى على سيسان تبشر بالهـدد *** واول دمـار ابيوتكـم يـوم انكسـر كيلونهـا قلوبكم فيها صدى وعيونكم فيها رمد ***** والمرجله ماهي بضاعة فـي بطـن كرتونهـا واعذروني ما لقيت صوتيه والا كان اجيبها لكم أحمد الوصلي
آلطيب في آلدنيـآآآ مـآ يعيـــش