لن عكر الصافي زمان التهاويل= وقامت همومك تشتغل طابعتها ووقت العنا جاتك خيوله زرافيل=وحمولهن حدب الضلوع احتوتها وبديت في منظومة الحط والشيل= والارض ضاقت في عيونك سعتها ازبن على اللي نزل الحق تنزيل= اللي رفع سبعٍ وسبعٍ تحتها سبحان من بمرة يوجه مكائئل=ويسوق سحبٍ قدرته كونتها ويهلك بها جيلٍ ويرحم بها جيل=ويحط عبرة قوم في سابقتها هو من يبدلها بيسر وتساهيل= وغيرة محال انه يغير جهتها دنياً زوال ولا وراها محاصيل= محدٍ سلم منها ومن عنجهتها ياما تعثر في شركها رياجيل= وياما عليهم كبرت دايرتها وكم قللت من شان قومٍ حلاحيل= والعكس ياما كبرت منزلتها ولاتكبر الا في عيون المهابيل=ضعوف النفوس اللي رديٍ بختها اللي على الدجه مقافٍ مقابيل= والناس في مادار ماعبرتها والله مايشف القلوب المغاليل=خطوت هلابيجٍ عليك عرضتها لو انها في منزل الجدي وسهيل =لابد يعطيك الزمن خارطتها ويكشف لك الواقع بكل التفاصيل= وتدرك مباديها وتفهم لغتها واعطيك في ماقول واف المعاديل=وراي العرب يعرض على خارطتها