خذ من سعه لياك تاخذ من الضيق= =ما ضاقت الدينا الوسيعه بأهلها يرضيك من يرضي جميع المخاليق= =اللي يجـازي كل نفـس بعـملها سج القدم والله عليه التوافيق= =واليا جفتك الدار دور بدلها الصبر مفتاح الفرج للمطاليق= =ونفس تعدي حدها من جلها كم واحد قد ذاق مر التفاريق= =وعقب الرضى نفسه تزايد زعلها عليه مالت غرب عقب التشاريق= =وحتيش لو مالت على الله عدلها ما حد يلوم أهل القلوب المشافيق= =الرجل تركض لين يوقف أجلها الحب هو ساس الشقى للعشاشيق= =والناس بالأيام ياطول أملها من ذاق عشرة لابسات العشاريق= =ماطاعته نفسه لو انه عذلها الحب كــايد والهوى ييبس الريق= =واهل التغزل لاهيه في غزلها أحمد الناصر