ميزت فالدنيا وفكرت بالهون=فكرت فيها وانها للزوالي
كل الحيا والجن والانس يفنون =ماباقي الا وجه رب الجلالي
الله حكم بالموت يعني تموتون =ولابد من مسكان قبر هيالي
لابد ماترحل وغيرك يحلون =ومن حل لابده يشد الرحالي
هذي دواليب الدهر ماتشوفون=هذي دواليب الزمن والليالي
على المقابر لو دقايق تمرون=سلام لاهل الدار كيف الحوالي
ياناس والله ماعليكم يردون=ولااحدن يجيبك لو تعيد السوالي
هذا قدر ربي ولابد ترضون =لابد ماترضون في كل حالي
حذرا من التسويف تكفون تكفون =ابليس والشهوه توالي توالي
الموت ياتي والخلايق يغفلون=والياوصل ماعاد فيها مجالي
والخاتمه ياسامعيني تصلون=على النبي ماهل وبل الخيالي