الحظ عجه والجماعـة قراطيـس من يمسك القرطاس في وسط عجَّه هبت علينا عاتيـات الهواجيـس وعن دربها كل المخاليـق هجَّـه الله دخيلـك بهذلتنـا العواكيـس كن الحشا حدب الخناجـر تخجّـه حقي على ناس(ن) تفاريس مامنهم اللي زارني وسـط لجًّـه والله يلولا ماتعـوذ مـن إبليـس ولا اريد للعدوان يانـاس حجَّـه لأقعد ببيتي بين بـن ومحاميـس ولا يقال رجلي يم الأنـذال سجَّـه لكن حذاري من مرافقـك للهيـس اللي علـى ماقيـل خوتـه دجَّـه عليـك ببليهـان راع النواميـس ماهـو بخبـلٍ للمراجـل يوجَّـه من لاتعلم من دروس الزمن تيس خبلٍ ولا ياجد مـن العقـل فجَّـه