لي منزل في عاليات المـــراقيب = صعب تجيه اهل النفوس الدنيه ارقى براسه عن جميع العــذاريب = واشوم لا شفت الدروب الرديه ابوي وصاني على العز والطيــب = وانا من الشايب قضبت الوصيه وخاويت رجل خوته مابهــا عيب = وصعب على الرجال يلقى حليه غازي ولد غالب عطيب المضاريب = الصاحب الجابر لعثرة خــويه ابن الرجال اللي تعرف المـواجيب = اللي لهم ميقاف في كــل هيه وانا سلايل من يوف المطــاليب = ريف لربعه بالكفـــوف النديه